[活動] 臺灣台語全國政策論壇

看板Tainan (台南)作者CCY0927 (茹絮夢)時間23小時前 (2025/11/10 09:50)推噓6(7推 1噓 2→)

留言10則, 8人參與討論串1/1

https://i.urusai.cc/kSjOG.jpg

臺灣台語全國政策論壇【論壇資訊】網站： https://reurl.cc/xKgeq4 南部場：轉型正義、語言傳承 kap 文化平衡時間：2025年12月13號（六） 09:00-17:00 地點：國立成功大學光復校區中文系館1樓文學院學術演講廳南部場報名連結：https://activity.ncku.edu.tw/index.php?c=apply&no=16686 https://www.facebook.com/share/p/17Ls7PdPg5/ ----- 論壇議題主題一：語言政策 kap 治理體系 ê 整合挑戰議題（一）國家語言發展中心 kap 行政統合 ê 必要性現此時國家發展委員會 chhui-sak ê 雙語政策大部分 lóng 聚焦 tī-leh 英文，教育部、外交部 kap 僑委會 chhui-sak 語文時 mā 以華語為主，顯示國家語文政策長期 kap 國情無符合。中央應當設立具備統籌性 ê「國家語言發展中心」，負責語言政策規畫、調查、治理 kap 部會協調，補足目前 chhui-sak 架構 ê 問題，mā ài chhui- sak 跨部會審核語言認證、教育資源設計、考試制度建議、國際 chhui-sak 等任務。議題（二）地方語言治理 kap 中央協作：通行語 hām 人事制度 ê 對接各縣市本土語言 chhui-sak 中心雖然已經有設立，m-koh tī-leh 地方語言政策中權限不足、參與有限。《國家語言發展法》第八條明定地方 ē-tàng 指定區域通行語，m -koh beh 按怎 kap教育部、考選部等中央單位協調，chhui-sak 制度化對應（如地方語言納入公務員晉用、加薪、語言加給制度）猶原需要政策整合。此外，國家語言認證敢 ē-tàng 納入升學考試選考科目，mā 是急需推動 ê 重要改革方向。主題二：語言空間 kap 語言聲望 ê 社會實踐議題（一）生活場域 kap 公部門中 ê 語言景觀參語言平權 Ùi 地名標示、公車廣播、醫療單位 kàu 法院通譯制度，語言 tī 公部門 ê 可見度 kap 使用權並無予平等保障。探討地方語言景觀推動 ê 政策現況、落實阻礙 kap 法制支持，並強調地方通行語制度 kap 語言景觀建置 ê 政策連動性。議題（二）語言聲望、越頭症 kap 媒體文化 ê 互相影響語言選擇定伴隨社會評價。Ùi「越頭症」kàu 新聞語言、廣播節目參戲劇用語，媒體再現直接影響語言 ê 社會地位 kap 個人語言認同。此議題 beh 探討按怎透過媒體、社區活動 kap 文化實踐提升台語 ê 社會聲望參生活流通度，並鼓勵媒體補助政策結合語言轉型正義 ê chhui-sak 目的。主題三：語言教育 kap 家庭傳承 ê 連線工程議題（一）語言教育 kap 家庭傳承 ê 連線工程台語文教育雖罔已經納入課綱，m-koh 語言教育現場猶原因為教材分布重 khi 爿、師資聘用困難 kap 教學時數不足造成斷線。現行教育部 ê 台語認證敢有師資選訓 kap 聘任 ê 功能？敢是 ài 交由語言專責機構來審核內容、標準 kap 教育意涵？此場論壇 beh 專注 tī 按怎強化國家語言認證制度 kap 師資養成品質 ê 實質連動性。議題（二）家長語言意識 kap 社區浸水式學習 ê 環境打造濟濟家長雖然支持母語，soah m 知 beh 按怎實踐。探討按怎透過托兒、社區課程、親子教保空間等具體做法，促進語言自然學習，建構學校 kap 家庭之間 ê 語言合作橋樑，並思考按怎 kā chia--ê 做法制度chiâ 做教育政策 ê 基礎建設。主題四：數位科技 kap 語言資源 ê 公共性設計議題（一）語音、辭典、語料庫 kap 教學平台 ê 政策推進現況探討語言科技建置 ê 過程有啥 mih 基礎工程猶原欠缺？目前由公部門 iah 民間 chhui -sak ê 語言平台有啥 mih典範？需要啥 mih政策支持 kap 人才資源 ê 加入才 ē-tà ng 擴大語言數位 ê 保存 kap 應用？並思考按怎予 chia--ê 語言資源轉化chiâ 做文化經濟資產，chiâ 做語言政策 chhui-sak ê 經濟誘因。議題（二） AI 應用中語言無平等 ê 系統性挑戰 kap 回應大多數 ê AI 語音系統猶原排除本土語言，語言落差形成數位落差。按怎建立公平ê介面？敢有政策 ē-tàng 要求語言平權 tī 技術標準 kap 設計階段就納入考量？本場 beh 呼籲數位政策應當納入語言多樣性 ê 評估機制。主題五：文化實踐中 ê 語言創作 kap 政策支持議題（一）創作 kap 文化補助中 ê 語言選擇參隱性排除出版、戲劇、音樂等文化內容創作若使用台語，定因為審查偏好、閱讀市場 siu 細、語言標準化不足所擺歹生存。按怎 ùi 補助審查、培力資源 kap 教育現場開始建立語言多樣性友善 ê 創作環境？並探討文化產業參語言政策按怎 tī 文化經濟面向互相支持。議題（二）文化復振政策中語言角色 ê 制度設計文化政策定 kā 語言當做附屬工具，soah m 是文化 ê 核心，應當按怎要求各部會 kā 語言納入文化展覽策畫、展演補助、教育活動內底？Ùi 制度設計強化語言成做文化復振 ê 根，並思考敢有法度促成語言 kap 地方產業、觀光、社區營造結合，創造文化經濟正義雙贏 ê 可能。 ----- 論壇議程 2025年12月13號（六）南部論壇：『轉型正義、語言傳承 kap 文化平衡』南部論壇：『轉型正義、語言傳承 kap 文化平衡』(暫定議程) 日期： 2025/12/13（禮拜六）時間： 09:00-17:00 地點：國立成功大學文學院學術演講廳（光復校區-中文系館一樓） 09:00–09:30 報到 09:30–10:00 開幕 / 貴賓紹介 / 合影 10:00–10:20 【專題報告】語言轉型正義 kap 文化平權：南方觀點【發表人】陳麗君教授（國立成功大學台灣文學系） 10:20–10:30 小歇一下 10:30–12:00 【主題論壇 A】地方語言治理 kap 中央協作對國家安全韌性 ê 重要【主持人】王旭教授（國立清華大學語言學研究所）【主講人】蔣為文教授（國立成功大學台灣文學系） 12:00–13:00 歇中晝／布袋戲表演 13:00–14:30 【主題論壇 B】語言教育 kap 家庭傳承、醫療長照等場域 ê 連線工程【主持人】杜佳倫教授兼系主任（國立中山大學中國文學系）【主講人】何信翰副教授（國立臺中教育大學台灣語文學系） 14:30–14:40 小歇一下 14:40–16:10 【主題論壇 C】數位科技 kap 語言資源 ê 公共性設計【主持人】梁勝富教授（國立成功大學資訊工程系、AI生技醫療中心、製造所）【主講人】吳家銘理事（打狗台語文促進協會） 16:10–17:00【綜合論壇 D】 (文化政策)語言轉型正義 ê 文化政策實作路徑【主持人】陳慕真助理教授（國立成功大學台灣文學系）【主講人】鄭清鴻主編（前衛出版社）何信翰副教授張復聚醫師王藝明團長(王藝明創新布袋戲) 各場主講人總結、現場／線頂回饋＆ＱＡ -- ※ 發信站: 批踢踢實業坊(ptt.cc), 來自: 111.255.110.210 (臺灣) ※ 文章網址: https://www.ptt.cc/bbs/Tainan/M.1762739413.A.6E2.html